МОНГОЛ ДАХЬ ПАРЛАМЕНТАТ ЁСНЫ ТӨЛӨВШИЛ

Монгол улс ардчиллын үнэт зүйлсийг тулгуур болгосон хөгжлийн
загварыг сонгосноос хойш арван найман жил, ардчилсан Үндсэн хууль
хэрэгжиж эхэлснээс хойш арван зургаан жил болж байна. Парламент нь
нэг талаас Үндсэн хуулинд зааснаар хууль тогтоох , нөгөө талаас ард
түмнийг төртэй холбож байдгаараа төрийн удирдах дээд байгууллага
болж байдаг. Монгол орны хувьд парламентын засаглалыг сонгоод
түүхийн богино хугацааг туулсан мэт боловч парламентын өөрийн гэсэн
өнгө төрх бодит утгаараа илрэх болсон. Энэ бол хөгжлийн зүй тогтол
бөгөөд хөгжлийн үед бий болсон бэрхшээлүүдийг даван туулж, зорьсон
зорилгодоо хүрэхийн тулд парламентат ёсыг төлөвшүүлэхэд судлах
зүйл маш их байна. Доктор, профессор Б Чимид, доктор профессор Д
Лүндээжанцан, доктор профессор Б Ганбат, доктор профессор Б
Дэлгэрмаа, доктор профессор Я Долгоржав, С Төмөр, Б Баттүвшин, Ч
Энхбаатар, Т Сэнгэдорж, А Пагма, О Баттулга, Д Дашцэдэн, Ч Лхагважав
нарын олон эрдэмтэн, судлаачид парламентат ёсны онол, үүсэл хөгжил,
төлөвшлийн асуудлаар эрдэм шинжилгээ судалгааны ажил, эрдэм
шинжилгээний бүтээл, ном бүтээл туурвисан байна.
Парламентын засаглал төлөвшиж тодорхой хөгжлийн түвшинд боловч
цаашид судлах зүйл маш их байна. Парламентат ёсыг төлөвшүүлэхийн
тулд хууль тогтоох, гүйцэтгэх, шүүх эрх мэдлийн өмнө шийдэхэд хүндрэл,
бэрхшээлтэй олон асуудлууд байгаа боловч иргэдийн улс төрийн
мэдлэгийг нэмэгдүүлэх, идэвхижүүлэх, тэдэнд парламент ба
парламентат ёс гэж чухам юу болохыг ойлгуулах, эрх зүйн шинэтгэл
хийхэд тэдний оролцоог нэмэгдүүлэхэд анхаарах хэрэгтэй
байна.

Блог шинээр нээх тухай

Та дэлхийн өнцөг буланд байгаа хүн бүхэнтэй харилцан, өөрт байгаа мэдээллийг бусадтай хуваалцахыг хүсвэл блог шинээр нээн мэдээллээ байрлуулахыг хүсье. Та сонирхож байвал өгч буй багахан мэдээллийг минь хүлээн авна уу?
http://www.blogger.com гэсэн сайт уруу ороод Blogger цонхыг нээнэ. Great your blog now товчлуурыг дарж гарч ирсэн хүснэгтүүдийг бөглөнө. Жишээлбэл email хаяг, нууц үг, блогийн хаяг, дэлгэц дээрхи нэр гэх мэтийг бөглөнө. Дараа нь continue товчлуурыг дарахад л гүйцээ. Гэхдээ блогийн өнгөний сонголт бас чухал.Ямар өнгө сонгоно тэр хүний зан характер мэдэгддэг гэсэн. Танд хэтэрхий хялбар санагдаад байвал дэлгэрэнгүй мэдээллийг авч болно. Блог дээр зураг, кино, текстэн мэдээлэл гэх мэт ямар ч мэдээллийг байрлуулж болно.

Нэг хэмжээст тархалтаар судалгаа хийх нь

Нэг хувьсагч нь ямар шкалаар хэмжигдэж байгаагаас хамааран тухайн нэг хэмжээст тархалтын хувьд харилцан адилгүй параметр, хэмжигдэхүүнүүд боддог. Хувьсагчийг хэмждэг шкалыг дараахь 3 хэв маягт хуваадаг.
- нэрлэсэн шкал
- эрэмбийн шкал
- тоон шкал
Шкал тус бүрт статистик боловсруулалтын янз бүрийн арга хэрэглэнэ. Хувьсагч ямар ч шкалтай байсан эхлээд бүх төрлийн давтамжуудыг бодож олно. Нэг хэмжээст тархалтыг бодох даалгаврыг харилцах хайрцаг , syntax зэргийг ашиглан хоёр янзаар өгч болно. Харилцах хайрцаг хэрэглэвэл
data editor мэдээлэл хянах цонх дээр байрлах цэснээс statistics, summarize, freguencies гэсэн товчлуур дээр дарахад хувьсагчийн нэр бүхий ба хоосон хоёр цонхтой харилцах хайрцаг гарна. Тоолох шаардлагатай хувьсагчийн нэрийг идэвхжүүлж хоосон цонх уруу сумаар зөөгөөд ok дээр дарахад гаргах цонх output-д хувьсагчийн нэг хэмжээст тархалтыг үзүүлсэн хүснэгт гарч ирнэ. Бас графикаар дүрслэх хэрэгтэй бол charts гэсэн товчлуур дээр дарж түүнээс графикийн хэлбэрийг сонгоод ok дарна.

SPSS-ийн үр дүн

Бид компьютерийн хичээлээр spss порграммын тухай үзлээ. Энэ программ магистрын судалгаанд хэрэг болох нь лавтай. Миний дипломын ажлын сэдэв "Парламентат ёс , түүний Монгол дахь хэрэгжилт". Энэ сэдвийг сайн судлах юм бол ангийнханд маань хэрэг болж магадгүй гэж бодоод хичээж байгаа. Судалгааны арга зүй хичээлээр судалгаа хэрхэн хийх тухай зааж байгаа нь бас тустай байна. Би намуудын 4 удаагийн сонгуулийн дүнг SPSS судалгааны программын тусламжтайгаар судлана гэж бодож байгаа. Судалгааны дүн гарахаар та бүхэнд гаргаж тавих болно.

Өөрөөрөө бахархая

Нээлттэй гаалийн семинар надад маш их таалагдлаа.Хүн үнэн юм ярихаар үнэлэгддэг байх ёстой.Манай ангийн Болортуяа гаалийн тухай бага ч боловч үнэн зүйлийг ярьсан. Хэлээ хазаж байгаад бага зэрэг нуусан боловч үнэнийг ярьсанд их таалагдсан .Би гаалиар бараа оруулж ирэхдээ дандаа нууж, гаалийн байцаагчид юмуу жолоочид бага зэргийг өгөөд ,өөртөө ашигтайгаар оруулж ирдэг. Гааль чөлөөлөгдсөн үед ч надад ч ашиггүй байсан , харин том компаниудад ашигтай байдаг байсан байх л даа. Гэхдээ татвар юмаа ном ёсоор нь өгөхөд сэтгэл өёг л байдаг. Би хичээгээд л байгаа.

Төрийн захиргаа шинэчлэгдсэн үү?

Төрийн захиргааны шинэчлэлийг 3 үед хувааж авч үздэг.Энэ хугацаанд бодлогын хувьд шинэчлэгдэх байгаа гэж үзэж болно.Аль эсвэл шинэчлэл гэдгийг их зүйл хүлээсэн хүсэлтээр хүлээгээд байгаа юм болов уу? Гэхдээ төрийн албан хаагч болохын тулд энэ жил 1200 гаруй хүн шалгалт өгсөн.Гэтэл тэднээс 300 гаруй хүн тэнцэх ёстой.Үүнээс харахад төрийн албан хаагч болох сэдэл маш их байгаа нь илт байна. Төрийн албан хаагчдын нийгмийн баталгаа үнэхээр сайжирсан уу ? цалин пүнлүү нь өндөр юм болов уу ? Үүнийг өөрийнхөөрөө тайлбарлая. Төрийн албан хаагч болсноор тогтмол цалин, төрийн албан хаагчийн хүүхдийн сургалтын төлбөрийг зээлээр сургах, мөн өндөр ур чадвартай учраас шагнал урамшууллыг хүртэснээ төрийн минь хайр хишиг хэмээн хоёргүй сэтгэлээр зүтгэдэг ч байх. Дараагийн удаад үргэлжлүүлье

Манай сургууль

Энэ манай сургууль Хаягийг зааж өгье.
Төв номын сангаас баруун гар тийш зам дагуу эргээд Таван богд плазагийн 4-р давхарт гарахад
Улс төр боловсролын академийн хамт олон
таныг угтан авах болно. Тус академид суралцсанаар таны үзэл бодол төлөвшин, өөртөө төрсөн сэдлийг хөгжүүлэх боломж бүрдэнэ. Та бүхнийг хамт суралцан, хамт хөгжихийг уриалж байна.

Баабарын лекц сонссон нь

Хүрээлэн буй орчин

Та бүхний энэ өдрийн амар амгаланг эрье. Бид хичээлийн хуваарийн дагуу 48 цагийн лекц орж дуусаад шалгалтууд эхэллээ. Өнгөрсөн 2 дахь өдөр Макро эдийн засгийн хичээлээр семинар орсноор семинарын хичээл дуусаад бөөн баяр . Та бүхэнд тус лекцийн талаар өөрөөр хэлбэл "ХҮРЭЭЛЭН БУЙ ОРЧИН"гэсэн сэдвээр багахан мэдээлэл өгье гэж бодлоо.Би эдийн засгийн шинжлэх ухаанд хүрээлэн буй орчин ямар хамаатай юм бол гэж бодсон.Гэтэл хамаатайгаар барахгүй хамгийн хамаатай , хүний ажиллах амьдрах орчны таатай нөхцөл бүрдүүлдэг болохыг , мөн газар дэлхийтэйгээ хайр гамгүй харьцвал ямар хор уршигтай болохыг , зарим бизнест ямар их ашиг авчирдгийг ч мэдлээ. Манай 4-р цахилгаан станц зээл, тусламжийн ихэнхийг авдаг муу нэртэй ч тэрнийхээ хирээр маш их өөрчлөлт шинэчлэл хийгдэж байгаа . 1990-ээд оны үед тог ямар их тасардаг байлаа. Өнөөдөр тог тасрах зовлон алга . Манай станцын үйлдвэрлэл найдвартай болохын хирээр чанартай болж байгааг хэлэх хэрэгтэй.Яндангаас гарч буй утааны хорт бодисын хэмжээ эрс багассан бөгөөд цахилгаан шүүлтүүрүүд нь хэвийн ажиллагаатай ажиллаж байна гэсэн үг.
Гэтэл уул уурхайн бизнес хийж байгаа хүмүүс байгаль дэлхийг хайрлах сэтгэлтэй байвал таныг ч мөн байгаль дэлхий хайрлаад хайр хишгээ тасралтгүй хайрлах болно гэдгийг санахад илүүдэхгүй байх. Саарын хажуугаар сайн ч бас байдгийг дурьдах нь зүй ёсных .Сүүлийн үед компаниуд нөхөн сэргээлт хийдэг болсон тухай нилээд мэдээлэл түгээд байна. Жишээлбэл Өвөрхангай , Баянхонгор аймгийн нутаг дэвсгэрт үйл ажиллагаа явуулж буй компаниуд .Улаанбаатар хотод эмийн бизнес амжилттай байх магадлал их.Манай орчин ханиад , амьсгалын замын өвчин идэвхжих таатай орчин бүрдсэн .
Рижевский гэдэг эрдэмтэн агаарын хорт бодисыг сөрөг цэнэгээр цэвэрлэдэг багаж хялбархнаар бүтээсэн нь нэгэн мафийн гарт зэрлэгээр хөнөөгдөх шалтгаан болсон тухай интернетээс мэдэж авсан. Үүнээс үзэхэд хүрээлэн буй орчныг хайрлах зарчмууд байх ёстойг мэдэж авцгаая
1. Урьдчилан сэргийлэх зарчим
2. Үүсгэгч шалтгааны зарчим
3. Нөхөн сэргээх зарчим
4.
Эдгээр хичээл Намсрай багшийн 1996 оны Эдийн засгийн номон дээр байгаа тул дэлгэрэнгүй уншина уу?

Бадарчийн Долгормаа

Бадарчийн Долгормаа Миний халуун 5 ам бүл. гэр бүлийн хүн маань дулааны инженер мэргэжилтэй ба 4-р цахилгаан станцад мэргэжлээрээ ажиллаад 14 жил болж байгаа. Том охин маань их хөөрхөн . 11-р сургуульд сурдаг Удаахь банди нь бөөн спортсмен .Хөлбөмбөг зүүдэлдэг болов уу гэмээр дандаа л хөлбөмбөг ярьдаг. Дэлхийн хөлбөмбөгийн аварга шалгаруулах тэмцээнийг хамт өдөр шөнөгүй үзсэн. Тэмдэглэл хөтлөөд тэмдэглэсэн байгаа. Бага охин маань хэнийг ч чи гэж дуудахаар нь өхөөрдмөөр санагдаад байх юм. Бавуугийн Лхагвасүрэн гуай хэлсэн байдагдаа: ачийгаа ална даа гэж хэлд орохоор нь их баярласан гэсэн.тэрэнтэй их адилхан. Бага охин маань бүүр ч өхөөрдмөөр , заримдаа хазмаар байдаг Би гэр бүлийнхэндээ маш их хайртай. хайртай

блог шинээр нээлээ

Та бүхэнтэй танилцаж байгаадаа баяртай байна Би Либериал дээд сургуульд сурдаг, Дараагийн удаа та бүхэнд төрийн албаны шинэчлэлийн талаар танилцуулах болно




Free Hit Counter